ನಂಬಿಕೆ

ಸಾಮಾಜಿಕ ಸನ್ನಿವೇಶದಲ್ಲಿ, ನಂಬಿಕೆ (ವಿಶ್ವಾಸ) ಪದವು ಹಲವಾರು ಅರ್ಥಗಳನ್ನು ಹೊಂದಿದೆ. ನಂಬಿಕೆ ವ್ಯಾಖ್ಯಾನಗಳು ಸಾಮಾನ್ಯವಾಗಿ ಮುಂದೆ ಹೇಳಲಾದ ಅಂಶಗಳನ್ನು ಲಕ್ಷಣಗಳಾಗಿ ಹೊಂದಿರುವ ಸನ್ನಿವೇಶವನ್ನು ಸೂಚಿಸುತ್ತವೆ: ಒಂದು ಪಕ್ಷವು (ವಿಶ್ವಾಸಿ) ಮತ್ತೊಂದು ಪಕ್ಷದ (ವಿಶ್ವಸ್ತ) ಕ್ರಿಯೆಗಳ ಮೇಲೆ ಅವಲಂಬಿಸಲು ಸಿದ್ಧವಿರುತ್ತದೆ; ಸನ್ನಿವೇಶವು ಭವಿಷ್ಯದಲ್ಲಿ ನಡೆಯುವಂತದ್ದಾಗಿರುತ್ತದೆ. ಜೊತೆಗೆ, ವಿಶ್ವಾಸಿಯು ವಿಶ್ವಸ್ತನು ನೆರವೇರಿಸುವ ಕ್ರಿಯೆಗಳ ಮೇಲೆ (ಸ್ವಯಂಪ್ರೇರಿತವಾಗಿ ಅಥವಾ ಒತ್ತಾಯಪೂರ್ವಕವಾಗಿ) ನಿಯಂತ್ರಣವನ್ನು ಬಿಟ್ಟು ಬಿಡುತ್ತಾನೆ. ಪರಿಣಾಮವಾಗಿ, ವಿಶ್ವಾಸಿಯು ವಿಶ್ವಸ್ತನ ಕ್ರಿಯೆಗಳ ಫಲಿತಾಂಶಗಳ ಬಗ್ಗೆ ಅನಿಶ್ಚಿತನಾಗಿರುತ್ತಾನೆ; ಅವನು ಕೇವಲ ನಿರೀಕ್ಷೆಗಳನ್ನು ಬೆಳೆಸಿಕೊಂಡು ಮೌಲ್ಯಮಾಪನ ಮಾಡಬಲ್ಲನು. ವಿಶ್ವಸ್ತನು ಅಪೇಕ್ಷಿಸಿದಂತೆ ವರ್ತಿಸದಿದ್ದರೆ ಅನಿಶ್ಚಿತತೆಯು ವಿಶ್ವಾಸಿಗೆ ಆಗುವ ಹಾನಿ ಅಥವಾ ವೈಫಲ್ಯದ ಅಪಾಯವನ್ನು ಒಳಗೊಳ್ಳುತ್ತದೆ.