Konfiantza

Artikulu hau kontzeptu psikologiko eta soziologikoari buruzkoa da; konfiantza estatistikoa gaitzat duena beste hau da: «Konfiantza-tarte»

Iruñeko Sanferminetan ohiko bilakatu diren Nafarreria iturritik jauziak egiteko behean daudenekiko konfiantza ezinbestekoa da.

Konfiantza pertsona, talde edo erakunde batek beste batek aurrez planifikatu, hitz eman edo espero den bezala jokatu eta bilatzen diren emaitzak izateko beharrezko ekintzak burutuko dituelako ustea eta horri dagokion jarrera eta sentimendua da. Funtsezko jarrera da gizarte harremanak eratzeko, gizartearen aurrerapena norberak hartutako konpromisoetan eta, hartzaileareen aldetik, horiek betetzeko konfiantzan oinarritzen delako.