Amor
- Ta la comuna occitana en o departamento francés d'as Landas, se veiga Amor (Landas).
L'amor (d'o latín, amor, -ōris) ye un concepto universal relacionato con l'afinidat entre sers, definito de diferents formas seguntes as diferents ideyolochías y puntos d'anvista (scientifico, filosofico, relichioso, artistico). Asobén se puet entrepitar como un sentimiento y o termin gosa asociar-se con l'amor romantico. Ta Gottfried Leibniz, «amar ye trobar en a felicidat d'atro a tuya propia felicidat». En o terreno relichioso presenta grans connotacions espirituals, de forma que trasciende o sentimiento y pasa a estar un estato de l'alma u d'a consciencia, identificato en belas relichions como Dios mesmo. En psicolochía, Robert J. Sternberg creye necesarios ta que exista amor tres elementos: intimidat, pasión y decisión u compromís. Ta Erich Fromm, l'amor ye un arte. En Biolochía, pareixe estar relacionato con a supervivencia d'o individuo y d'a especie. Seguntes beluns, no ye exclusivo d'a especie humana, y tamién puet presentar-se en atros sers.
