UC-NRLF SB 555 flMO o\j IIMARV OP JOTTIANA. JOTTIANA. n BY JOHN GARDNER, Author of " The Sparks of Steel," etc. GLASGOW: THOMAS MURRAY AND SON. EDINBURGH: PATON AND RITCHIE. LONDON: ARTHUR HALL, VIRTUE AND co. 1862. LOAN STACK They say that words and signs have power O'er sprites in planetary hour. Scott's "Lay of the Last Minstrel." Ah no! the voices of the dead Sound like a distant torrent's fall! Byron 1 s "Hymn to Modern Greece" That Bards are second-sighted is nae joke, And ken the lingo of the sp'ritual folk. Burns 1 " Two, Brigs." O once again to Freedom's cause return, The patriot Tell, the Bruce of Bannockburn. Campbell* s "Pleasures of Hope " How strangely high endeavours may be blest When piety and valour jointly go! Drydetfs "Oliver Cromwell" Taught by the heavenly muse to venture down The dark descent, and up to re-ascend. Milton 1 s "Paradise Lost" 125 CONTENTS. Page INTRODUCTORY ADDRESS TO SCOTLAND, .... 9 JOTTIANA: CHIRL I. THE STEEPLE AN' THE TOWER, . 15 " II. THE KIRK-PORT, 28 " III. FIRST GLINTS O' LIFE, .... 28 IV. A NICHT AT THE CIRCUS, ... 46 " V. GLASGOW CATHEDRAL, .... 58 VI. TUESDAY AN' FRIDAY NICHTS, . . 59 VII. THE THEUGH, 70 VIII. THE SIEGE, 82 " IX. JOCK O' WISELEY, 93 " X. THE BROOMIELAW, 101 " XL BURNS BYRON SCOTT, .... 109 SONG THE GLOAMIN HOUR, 119 HYMN TO THE COVENANTERS, 121 SONG BOTHWELL BRIG, 123 GLOSSARY, 125 ERRATA. At Page 27, 18th line, for " aftens " read " aften." At Page 47, 16th line, for " roo " read " row." At Page 93, Title, for "Wisely" read " Wiseley." INTBODUCTOBY ADDBESS TO SCOTLAND, I. I HAIL thee, Scotland ! dearest land o' a' On whilk the sun is shinin' day by day, 'Tis from thy charms an' glory that I draw The power to warble this wiP varied Lay; I've glowed lang evenings owre thy history, As gran' as ony whilk invites the min'; I've gazed entranced upon thy scenery In a' its phases, while owre't a divine Mist-like irradiance gleamed frae days o' auld lang syne. II I glory in my country's liberty, Whilk cost our fathers much in days gane by, As in our ever-charmin' history Is written to whae'er may turn his eye; The freedom by whilk we can still defy Whae'er may pass to chain our thoughts an' tongue, But freely think an' freely speak forby O' whatsoe'er concerns the State, among Those wham our lot may chance at present to be flung. 10 INTRODUCTORY ADDRESS TO SCOTLAND. III. Time was, the poet sung of men in arms (Though ever mindfu', woman, o' thy smile) As the chief theme his listening circle charms; For then they were the power to wham the while Men looked to keep them free an' tyrants sp'il; Men looked to them in the lang days awa' As the best guardians o' our rockin' isle, Whilk, yet unsettled, aften feared to fa' Into the tyrant's power^ whose will's his only law. IY. But times are changed an' sae are weapons too, Public opinion now controls the State, An' we in men o' intellect now view The heroes o' our rights, for they abate Our misconceptions drawn from earlier date, Expand the public min' an' give it light, An' thus enable it wi' things o' weight To cope mair ably an' to judge what's right, An' keep the brave auld ship sailing secure an' tight. V. Burns, Byron, Scott, Gibbon, Chalmers, Miller too, Are thus amang the warriors o' the day, An' mony mair wha will rise up to view, Not quite forgettin' them wha in the fray INTRODUCTORY ADDEESS TO SCOTLAND. 11 In Parliament meet an' tilt chivalrously, The Bench, the Bar, the Pulpit an' the Press Are mair or less conspicuous in th' array; While Platforms are like battle-fields an' (less Gran') cracks at nicht 'mang cronies maybe owre a gless ! VI. The Poet's ever a true lover o' The freedom whilk we Britons prize sae weel, He canna mount where tyrants owre him throw The net o' stern restriction, nor there feel His spirit glow until his brain does reel Wi' the high flight to which his wings hae borne, But, mindfu' aften o' the Commonweal, He'd feel himsel' o' half his vigour shorn If roun' his mountin' spirit shackles too were worn. VII. An' thus he sweetly sings o' liberty, Whilk sangs sink in the people's hearts, an' rise Aft to their tongues which chant them merrily, An' keep alive their love o' Freedom's prize FOR 'TIS A PRIZE TO WATCH Wi' JEALOUS EYES. I mourn thee, France! but some ane must bear sway, An' freedom ever runs beneath thy skies To licence an' a dread uncertainty, [gay. Worse far than sway like that 'neath whilk ye live sae 12 INTRODUCTORY ADDEESS TO SCOTLAND. VIII "The Empire's peace!" Napoleon III. ance said, An' hit the time's mark wi' unerring aim, For folk noo think eneugh o' life's been shed In past wars' furious an' heart-rending game; I'm sure sae lang's he pleases you at hame, An' weel respects the ithers' sovereignty, Great Britain winna seek to try to tame The pride o' your brave eagle, while his sway Will still be owned an' honoured by Her Majesty! IX. The wolves o' Home amang your thousands prowl, An' dread the freedom whilk has blessed thee whiles, An' sae they stir the strife an' swell the howl Whilk herald Freedom's downfa' when her smiles Are beaming sweet owre thy far sweep o' miles; An', to my thought, ye've made the wisest choice 0' him wha noo a' thy strife reconciles; An' when ye learn to watch your han' an' voice, His interest is wi' Freedom your hearts to rejoice. X. Eneugh, eneugh ! 'twas Scotland whilk I meant To sing to noo, but her concerns are sae Mixed up wi' ither lands my Muse has bent Her flight far south ere I could say her nay; INTEODUCTOKY ADDKESS TO SCOTLAND. 13 I hope the following Chirls fbn' yet may "Find favour in her sight" an' glad her soul; I love her fame, an' offer this my Lay As a new leaf for her braw wreath whose whole Bing is as fair as ony land's frae pole to pole. XI An' could I warble o' my native realm, Nor min' her swell of mountain-land where I Hae aften felt deep joy my heart owre whelm, Dwalt owre its beauty an' sublimity Wi' deep, abiding, loving ecstacy, Seen a' its varied show until sae fair It seemed, I yet must sing its majesty; But, meanwhile, nearer hame my sweep I bear, An' for some Highland flight, I hope, my wings prepare! JOTTIANA. CHIEL I. 8% Hftejyle mtfr % MY dear auld Ruglen ! ance. again I tak' Into my haun the pen that ne'er did lack To work for thee, when it could serve thy cause In formin' library 'gainst whims and thraws, In helpin' to bring wells to every street, An' ocht that could the public favour meet; "While the kindling of life in this bosom remains," * I'll be proud to help thee in thy joys an' thy pains. Ah ! how can I but love thee since my best An' sweetest joys were suckled at thy breast ? By placid Clyde, a "toddlin' wee thing," I Learned to pu' flowers wi' rapture-melting eye; Until in breeks an' jacket bravely dressed, I learned to wanton on the river's breast; In sweet Stonelaw I wiled the truant hours, On soorocks fed an' joyed amang its bowers, * See Campbell's Lochiel. 16 JOTTIANJL Or speeled the trees, or 'roo the breckau pressed, Or lap the burn to seek the birdie's nest; By Whorlpit-road I aften strolled awa', Till restin' lang in lofty Catalan's shaw, By Blairbeth then, or Castlemilk, or by Sweet Burnside Loch cam' dancin' home fd' sly; An' thocht wha dwalt ayont our ain auld toon Were to be pitied even by the Doon ! Wi' what a gleefu' heart I used to meet My chums at rounders in the open street, At book an 9 boolin', shinty, tig, hy-spy, Smugglers an' prison-base when school was by, Or at the twal-hours when the day was fair; An' then, hurrah for rain ! for we were where The lassies met in porch, or room, or shed, WouT ye like to ken what we did and said? Ye Buglen belles ! your name inspires my strain, Your smiles like Muses shine in on my brain, Ye min' the schule ah ! don't forget the dance, The parties, an' the stocks when stars did glance, 1*11 min' ye while life warms the fiery blood Whilk courses 'roo me like a flamin' flood! We're gettin' aulder but we're yet fu' young, But you, my mates, to whom I jist hae sung, Can turn the leaves o' memory and tell O' mony changes ye hae seen yourseF: A braw new kirk, a manse, a schule, a bank, Wi' giant Glasgow, too, we noo can rank CHIEL I. 17 For names an' lamps an' water, "pegs" wi' beats In our auld-fashioned but our bonny streets; An' last o ? a', a gran' braw-busked Ha', Wi' tower an' turrets seen frae far awa'. I dandered my lee lane the tither nicht, About the time the hours speel to their heicht, An' passin' our auld kirkyard jist aneth The new braw Ha', I nearly tint my breath At sicht o' a strange, elf-like figure on The dear auld steeple whilk we lo'e sae fon'; An' turnin', I couT see anither high Up on the Ha' tower, atween an' the sky; Baith dark an' flutterin' were they, but the last In size an' figure far the first surpassed. Ilk for a while flew rpun' an' roun' ilk tower The first ilk buttress traced wi' judgment sure, Surveyed the slatin' an' the belfry scanned, An' seemed to think that a' was nicely planned; Flew up an' stroked the cock that jist ance flew, An' on a midden lit to instinct true; This done, she said, " Bless the auld Gothic pile, Its like is no' within fu' mony a mile; Auld Ruglen may be proud o' sic a steeple Built lang, lang syne by far, far distant people; I kenna whaur the likes o't may be seen But saf's ! what's that owre there afore my een?" This while the tither sprite was thrang at wark, Ilk ornament o' the new tower to mark, 18 JOTTIANA. Turret an' turret she thrice owre surveyed, An' ilka jink-an'-gee thing it displayed, Then looked disdainfu' where the auld spire rose, An' saw her sister sprite her form disclose, An' thus began to sneer at the auld steeple, Thinkin', nae doubt, she spak' for a' the people. TOWER SPRITE. Auld donnered bodie ! ye've leeved lang eneugh; 'Od, but ye maun hae been baith doure an' teugh T' hae stood it 'roo sae mony hunder year But ye may gang, we've nae use for ye here, An' dinna think I am the least ill-bred, I only warn you you're on your death-bed; An' tak it kin' o' me to condescen' This timely message unto you to sen'. STEEPLE SPRITE. Lang-shanked cuif ! the auld Scots proverb's true, If ever 'twas in ony 'tis in you, " Lang-stalked wheat has aft a thowless head," Or ye woul' ne'er to me sic lesson read. Although I'm auld I'm fresh as is the oak, An' Time has woven me an honoured cloak; Ye are but young but daily ye grow auld, An' woul' ye like if people shoul' grow cauld An' caulder to you ilka day ye stan'; Gae 'wa', ye cuif! again' yoursel' ye turn your han'. CHIRL I. TOWER SPRITE. Puir tavered creatur' ! far aboon you I Lift my braw head to ilka passer by; Aneth my arch the lads and lassies shune Sail coupled pass the nicht in mirth to droon; An' coaches sail be seen low at my feet, Drive 'roo the crowds that gather on the street To see the happy youths that sit within Loup out, an' glide to swell the scene an' din; An' mony an e'e sail be upturned to me To praise my grande'r ere they parted be. But what hae ye to show, or to draw crowds? 'Tis time that ye had trysted your sad shrouds. STEEPLE SPRITE. It's true I'm no' the gullet to a Hall, Where merry steps sail mingle in the ball; But I'm the hoary sentinel that keeps A weary watch owre dust that ever sleeps; An' waesucks ! crowds are aften near me drawn From ilka corner amaist o' the Ian', An' no' like yours jist frae the neeborin' doors, While mony an e'e my honoured pile explores. An' lang ere people dreamed that sic a thing Its shadow shoul' owre Ruglen cawsey fling, I drew the wanderin' e'e to gaze on me, An' maybe sail when ye're no' there to see. 20 JOTTIANA. TOWER SPEITE. M.P.s frae Lon'on sail look up at me. STEEPLE SPEITE. My face they've fifty times been proud to see. TOWER SPRITE. Auld claverin' sinner ! baud your gab a wee. STEEPLE SPRITE. Ye bletherin' limmer! am I flee't for thee? TOWER SPRITE. Ye're carried, frien' quite carried, sure, it's true. STEEPLE SPRITE. They'd hae a burden that woul' carry you. TOWER SPRITE. Weel, gie us peace a wee. Learned men sail come, An' ere they pass sail look on me quite dumb Wi' wonner, and sail bring baith auld an' young In crowds to hear them when the hour has rung; An' a' thae crowds o' weel-dressed, honest folk Maun, ere they enter, aye about me flock. Hae ye a sicht like that to show? I trow Ye woul' gae mad if sic things gladdened you. CHIRL I. 21 STEEPLE SPEITE. I wus ye saw me on the Sabbath-day; At morn an' interval the people stray Owre the graves an', though fifty times they've read, They read again the names writ owre the dead; But aye they tak' anither glint at me, An' proud they are my hoary head to see; Whiles gather roun' ilk ither 'neath my shade, Discuss the sermon or talk o' the dead; Then whiles they saunter roun' an' roun' my wa's, An' look, although they speak not, sweet applause; An' certes, at the kirk they're as weel dressed As at a lectur', for they don their best. Now, Miss Newfangleton, I hae ye there, An' brag an' blaw, for I hae plenty mair. TOWER SPRITE. There's little use in me noo sayin' mair; Ye've leeved owre lang for me the palm to bear Awa' frae you. I own ye're much admired, An' dinna ferlie that your spirit's fired When I appear to disrespect your age; Wi' you I'll ne'er again try war to wage. STEEPLE SPRITE. I'm glad ye're pleased; the war ye first began, But I maun own ye are baith fair an' gran'. 22 JOTTIANA. Yet there's ae scene I show which I maun tell, Or I woul' never mair forgie mysel'. Jist ere eleven hours on Sabbath morn, See the hoar man, o' manhood's strength now shorn, Come slowly walkin' roun' an' enter here, An' when the clock strikes, wi' what hallowed cheer He pu's the rape an' gars the big bell soun', To ring the folk frae a' the kintra roun'; My vera stanes an' rafters an' my sclates, The hallowed soun' wi' ecstacy elates, Until they seem to swell the solemn strain, An' sen' their "Come to kirk" 'cross hill and plain. For hunder years this scene IVe weekly shown, Through hunder years I yet sail mak' it known; An' seen a' roun' to near an' distant ken, They'll own I'm still the pride o' Rutherglen ! Wi' ae consent their wings they spread, an' high Graed soarin' up the clear, unclouded sky, An' brichtenin' as they rose, they shone from far, Until they ilk hung in the sky a star, Whase brichtness seemed to play owre either pile, As if for these they in the sky did smile. I dandered hame an' tum'led into bed, An' when I woke baith nicht an' stars had fled. CHIEL II. As sweet a sky o' bonnie blue, As ever simmer gied to view, Spread 'boon the nicht that lay owre a' The toon, the glen, the fiel', the shaw, An' in its bosom brichtly set The stars in gleefu' crowds were met, The bonnie moon hersel' was seen Sae bricht she dazzled maist my een, While a blythe breeze on janty wing About my lugs did play an' sing As I strolled up an 5 doon the street O' our dear burgh, in hopes to meet Some canny Men' to hae a dram, Or e'en a talk 'bout Burns's Tarn, 'Bout Chatham, Wellington, Peel, Burke, The Frank, Hindoo, Italian, Turk, 'Bout Aberdeen late Prime in State, Or Edinburgh fair an' great, Macaulay, Jeffrey an' the school O' critics to whilk he gied rule, ' 'Bout Graham an' Curran, Pitt an' Fox, Or comin' down to leevin folks, 24 JOTTIANA. 'Bout Derby, Brougham, Lyndhurst, Kussell sly, Or Palmerston an' D'Israeli, Gladstone, Moncrieff, Clyde, Stanley, Bright, Alison, or some ither wight, Or the chief Clergy o' the brugh, Monro, Brown, Beckett haud! eneugh! Or whatsoe'er micht come to han'j But deil a ane I saw to stan'. I happened for a wee to wait Aside our ain auld kirkyard gate, An' musin' on the turns o' life, Its joys an' waes, its peace and strife, I heard a voice salutin' me, An' turned this way, syne that, to see Wha was abroad at sic an hour, But fient a ane coul' I see sure; I set it down as fancy a', Turned on my heel to gang awa'; But na ! it spak' again frae 'boon My head, nor woul' free me sae sune; The voice cam' frae the auld Kirk-port, An' gar'd me linger in this sort: " My frien' ! ye hae been musin' there Awhile this nicht on joy an' care, I hope ye've something learned, if no, I'll teach ye something ere ye go.* -** " 'Roo twice ae hunder weary year I've spanned the kirkyard passage here, CHIEL II. 25 An' mony a varied scene I've seen Since first I met the public een. "Ilk Sabbath morn I hear the bell Frae yon spire aulder than mysel', An' see the crowds aneth me pass A' dressed fu' braw, baith lad and lass, An' auld folk, too, wi' bairns their ain, Gran' yunkers, eke, to lead they're fain, Wha enter a' within the kirk, An' deil a ane daur sneeze or smirk. "The solemn, sad procession I Hae look on wi' a watery eye, When Men's the last fon' tribute paid To him wha in the dust they laid; Or her wha to her last cauld bed They bore wi' slow an' mournfu' tread. "Aft hae I thocht on the auld man, Wha had attained life's outmaist span, Look'd back alang his joys an' waes, An' thocht upon his Men's an' faes; I've mused upon the hoary dame Whose youthfu' beauty gied her fame, Thocht on her sprees o' auld lang syne, Where lads and lassies reels did twine; I've dreamed*when I saw passin' here Strang manhood in his sable bier, Wha left his pick, his pleugh, his loom, Orphans an' wife to mourn owre him; 26 JOTTIAXA. Fve pondered when I saw the last O' youthfa' mither here borne past, Wha left her man an' bairns in tears, Sin' her sweet smile nae niair them cheers; I've pensive grown owre schoolboy's hearse, Wha last week maybe spouted verse, His bat, his bools, his beuks an a' Are lyin' idle 'gain' the wa'; Tve been made sad by seein' pass The coffin o' the sweet schule lass, Whase knittin', peever, needle, beuks, Sail roost an' rot for her in neuks; An' then the sweet wee infant's sel' I hae seen carried, sad to tell, The mither's breast may flow fa' sweet, Its milk nae mae sail thae lips weet; I've seen a' thae fu' niony a time An' been fa' sad but yet sublime An' hamely truths I've drawn frae a', That man to man shouT closer draw, To help ilk ither in the strife An' teugfr-foeht battle o' this life Shoul' learn to strike when naething save A cuff can bring to sense the knave, An' leeve as nearly as they can, Blither an' brither, man an' man. "But a' the scenes that pass "neath me Are no' sae waefa' as these be; CHIEL II. 27 Whiles on a Sabbath I see pass Some bonnie bairn in arms o' lass, Wi' cap o' lace, an' white frock trimmed (Sae white the snaw beside were dimmed) Wi' lace, an' flowers, an' satin knots, An' shawl o' white, or braw wi' spots; An' how the bonnie lassie smiles Upo' the bairn wi' sweetest wiles, An' laughs an' prattles if it wake, Or, if it sleep, it snug doth make, While by her side the mither fon' Is walkin' proud, an' lookin' on It is a sicht that gars me greet Wi' vera joy, it is sae sweet ! "An' mony anither scene beside, Such as the bridegroom an' the bride; Or rather, 'tis the kirkin' scene Which aftens gleddens my auld een; But truce to that, to tell you a' Woul' keep you till the day wouT daw'; Guid-nicht ! but at your wark an' sport Forgetna an' ye'll thrive mair for't The lesson o' the auld Kirk-port." CHIEL III. , ball. Baith, both. Bane, bone. Bang, ding, drive. Bairn, child. Bare, bore. Baun, ban, band. Ben, bend. BeuTcs, books. Bien, wealthy, plentiful. Big, build. Biggin, the coal as it stands below a building, a cot. Bing, heap. Blaw, boast, long-winded boasting I Bleared, eye-bedimmed. Bletherin, idle talking. Blindt, blinded. Bluid, blood. Bodle, a small Scotch coin. Bools, marbles, balls. Brag, boast. Braid, broad. Brak, broke, insolvent. rang, brung, brought. rat, apron. raw, beautiful, splendid. ireenge, rush, force. iricht, bright. 3rither, brother. ' Brig, bridge. Brocht, brought. Broo, brow. ~3u8k, to adorn, to deck as with flowers or ribbons. But an' ben, two apartments in opposite ends of house, two ad- joining apartments. Ja', call, name. Cairt, cart. 7am, came. /anna, cannot. tanny, cautious, mild, inoffensive. Uantie, joyous, merry. Jarried, light-headed. Caucht, caught. Caul, cauld, cold. Gaum, calm, smooth. Certes, certainly, assuredly. Chimley, chimney. Chirl, the song of a bird applied chiefly to the song of the lark. C'w, coin. Claes, clothes. Claith, cloth. Clamb, clomb. Clanish, party-spirited, bigotted in a party. Claverin, idle talking. Clead, clothe. Collie, a shepherd's dog, also the same as hog (which see). Coort, court. Coul, could. Cowe, a broom brush. Cozie, snug, close. Crack, conversation. Crawtae, crowtoe, applied to a jagged, stair-like gable. Creatur, creature. Cronie, an associate. Cuif, a blockhead. Dae, do. Daffin, merriment, foolishness. Dander, d*awner,wander,a slow walk. Dark, darg, the quantity of coals a collier must put out per day, a day's work. 126 GLOSSARY. Daur, dare. Daw, dawn. Deal, board, table. Delicht, delight. Dentie bittock, something within a mile. Devoor, devour. Dinna, do not. Donnered, crazy, silly in mind. Doon, down. Doure, sullen, stubborn. Douse, sober, wise, prudent. Drap, drappie, drop, a little. Dreep, drop, to drop by the hands from a wall. Droon, drown. Duffle, mantle, cloak. Dunt, a knock, a blow. Dwalt, dwelt. Ee, eye. Een, eyes. Eerie, affrighted, haunted, dread- ing spirits, sad and lonely. En, end. Eneugh, enough. Fa', fall. Fae, foe. Faither, father. Fauld, fold. Faur, far. Faut, fault. Feck, a part, a number. Ferlie, wonder. Fermer, farmer. Fiel, field. Fient-a-ane, none. Fient-the-fears, no fears. Fleesome, fearful. Flee't, feared. Flicht, flight. Flittin, removal of furniture. Focht, fought. Fon, fond. Fonness, fondness. Foord, ford. Forty, besides, as well. Forenent, forenenst, opposite. Forgether, to meet, to encounter with. Fou,fu, full, drunk. Foivre, four. Frae, from. Frien, friend. Fur, a furrow. Gab, talk, mouth. Gae, go. Gaed, went. Ga-en, very. Gain, 'gainst, against. Gane, gone. Gang, go. Gar, make, compel. Gat, got. Gaun, going. Gavel, gable. Gether, gather. Ghaisi, ghost. Ghin, if. Gie, give. Gied, gave. Gien, given. Gled, glad. Gledden, gladden. Gless, glass. Glint, glimpse, glance. Glower, stare. Graith, harness, a collier's imple- ments. Gran, grand. Grande'r, grandeur. Granny, grandmother. Gree, to agree. Greed, ravenousness, hunger. Greet, weep. Grien, to long, to weary for. Grulchie, bunch-like, thick and short. Ha\ hall. Hae, have. Haet, aught, anything. Ha'f, hauf, half. Haill, whole. Hame, home. Han, haun, hand. Hansome, handsome. Hand, hold. Heeluc, Helen. Heicht, height. Hert, heart. Hog, a distance-line in curling, drawn across the rink. When a stone fails to cross it, a cry is raised of "A hog, a hog," and the stone is removed. Hoo, how. Hoose, house. Host, hoast, cough. flow/, shed, resort. Howdie, midwife. Hunder, hundred. Hutch, the little waggon in which the collier sends up his coals, a cottage. I', in. Hk, each. Ilka, every. In, affix for ing. Ingle, chimney-fire. Ither, other. Janty, jaunty. Jine, join. Jink-an-gee, irregularity, applied GLOSSARY. 127 primarily to moving forwards and dodging from side to side. Jist, just. Kame, comb. Ke^ know, view. Kenna, do not know. Kin', kind. Kintra, country. Kirkin, a new-wed couple's first day at church. Kittle, tickle, ticklish, perplexing. Lachin, laughing. Laith, loath, averse. Lang, long. Lan, land. Lap, leapt. Lee-lane, all alone. Len, lend. Leeved, lived. Licht, light. Loe, love. Loof, palm of the hand. Lood, loud. Loot, let, did let. Loup, leap. Lug, ear. Mae, mair, more. Maist, most. Maister, master. Mak, make. 'Mang, 'mong. Maun, must. Maunna, must not. Mell, mallet. Men 1 , mend. Micht, might. Midden, dunghill. Min', mind. Hither, mother. Monenday, Monday. Mony, many. Mou, mouth. Muckle, much, great, tall. Mutch, a woman's cap. Myn, moon. Na, no, not. Nae, no, none. Neebor, neighbour. Ne'er, never. Neist, next. Neuk, nook. Nicht, night. Nicht-at-e'en, the interval between the stopping of work and bed-time. No', not. Nocht, nought, nothing. Noo, now. Noos-an-tans, now and then. 0', Of. Ocht, anything. 'Od, God. Ony, any. Oor, our. Go , out. Ordner, ordinary, casual. 0% of it. Oivre, over. Pairt, part. Pe#, policeman. PiZZ, to cut perpendicularly. Pitty -patty in, that fluttering of the heart caused by fear, or sadness, or joy. Plaidin, a coarse kind of flannel. Pleugh, plough. Poo, pull. Poother, powder. Prap, prop. Pouk, pluck. Free, taste. Pu\ pull. Puir, poor. Rack, rink. Rape, raip, rope. Raw, row. Redley, likely, probably. 'Ree, three. 'Retty, thirty. Rin, run. Roost, rust. .Roo, through. JJoon., round. Roother, topsy-turvy, confused, noisy, fond of sport. Roo-the-doors, a closs with a door at each end. Roun, round. Row, roll. Rowth, plenty, sufficiency. Sae, so. Sa'fs, save us 1 Saften, soften. Sair, sore. Sail, shall. Sang, song. Sax, six. Schule, school. Sclate, slate. See'd, saw. Seelent, silent. /Sew/send. Shaw, a wood. STwar, to cut horizontally. Shew, sew. Sho'el, shovel. Shoul, should. Shouther, shoulder. S/iwe, to swing backwards and for- wards. Shuit, suit. Sic, such. Siccan, such, such a. /Sicft, such. 128 GLOSSARY. Sicht, sight. Siege, the bench at which a mason works. Simmer, summer. Sin'y since. Skip, chief player at curling. Slicht, slight. Sma, small. Smiddy, smithy. Snaw, snow. Snod, trim, to dress. Sodger, soldier. So op, sweep. Soorocks, a green herb. Spak, spake. Speel, climb, ascend. Sp'il, spoil. Spree, gay, a social gathering. Stacker, stagger, to swing from side to side. Stan, staun, stand. Stance, a standing-place. Stane, stone. Stap, step, stop. Stooks, piles of sheaves of grain set up on the field to dry. Stoot, stout. Stoup, pitcher, a measure. Stoure, dust. Strae, straw. Strang, strong. Streetch, stretch. Strappin, handsome, girding. Stule, stool. Sugh, the continued rushing noise of wind or water, to rush like wind or water. Stine, shune, soon. Sweert, loathe, averse, unwilling, indolent, slow. Syne, then, next. Tak, take. Tap, top. Taucht, taught. Tavered, silly in mind, crazy. Tee, the point to measure from. Tener, tender. Teuch, tough, durable. Thack, thatch. Thae, these, those. Theekit, thatched. Theugh, pit. Thocht, thought. Thoo, thou. Though, however. Thowless, useless, slack, lazy. Thrang, throng, busy. Thretty, thirty. Ticht, tight, well-knit. T'il, toil. Tine, lose, forego. Tint, lost. Upo Unc Tither, other, t'other. Tocher, marriage portion, bequest. Toddlin, tottering of a child. Toon, town. TQW, rope by which the cage is let down the shaft of a pit. Touzie, rough, shaggy; applied also to a careless dressing person, and to one with money. Trig, right, neat, spruce, handsome. Trowen, trowel. Trummle, tremble, shake. Tryst, bespeak, engage, engage- ment. Twa, two. Twalhours, mid-day interval. Twalt, twelfth. Twaree, two or three, a few. upon. r nco, strange, very. Vera, very. Vyce, voice. Wa>, wall. Wae, woe. Wean, child. Waesucks, alas! Walth, wealth, abundance. Wark, work. Warl, worl, world. Warsle, wrestle, struggle. Wat, wet. Wather, weather. Wauchle, to walk with difficulty. Wauken, waken. Wee, little, small. Weege, wage. Weel, well. Weet, wet. Wha, who. Whack, share, portion. Whae'er, whoever. Wham, whom. Whose, whose. Whaur, where. Whilk, which. Whummle, to overturn, to turn up- side down. Wi, with. Wick, to strike a stone in an oblique direction. WW, wild. Winna, will not. Winnock, window. Woner, wonder. Woul, would. Wrong, wrong. Wrocht, wrought. Wud, wood. Wus, wish. Yur, your.