Higugma - Wikipedia Higugma Tikang ha Wikipedia Jump to navigation Jump to search Pula nga kasing-kasing - Tigaman hit higugma Pierre Auguste Cot (1873) An higugma[1] (Iningles:Loved) (Pambansa:Minahal) amo an ginaabat o ginaagihan mahitungod han paghatag hin makusog nga palangga o palandong ngan pagiging awil ha usa ka tawo o butang. 1. ABUGHO Abugho,tunok iton han gugma ta, Yoyang Abugho, sakit ito han at’ kalag, Yoyang Abugho, nagagamit nala tungod tigaman nga waray Ako na usa gugma nga uroy Bisan la kita sumiplat hin waray sulod, Yoyang Asay pa ba kon magpahunit upod hin kiro , Yoyang Aadto ha kasingkasing in nagkukulog, Yoyang Pagpakulogon ko kay an akon. 2. Alas Nueve Y Medya Las nueve y media kon di an gab-i daw katutnga na Ngan ha imo tambu-anan aadi nagsusumpa, nagsusumpa Kundi ha urhi saymo igbalos an paglingo Tungod han gugmang kinabuhi baya ko. Kun di kay sa-ad man nimo Iday Nga uunungan mo gud Tubtub han im kamatay Hinuhulat ko nga ikaw mahahabaro manta Ha urhi nga adlaw Pagtuman hadlot sa-ad ta. 3. BALITAW L- Solibang ko ngay-an hi ikaw daraga Ako uli tawo nga waray asawa Kon magkakauyon inin at fortuna Masaka ha padi, mapa-esposada. B- Pastilan gad, Idoy, iton nga gugma mo Putsa gadla anay dahon hin banana Kon magpakiana hi Nanay Tatay mo Sidnga la nga hipon pinaka pudiot mo. L- Pastilan gad, Iday, ayao hin baribad Kay nagtitidugang it akon karuyag Akon igpanangil it pisi nga linubag Mag raraputas gudla diri mababadbad. B- Iton imo baba nga naglalabura Nga nag yiyinakan hin puros la buwa Kon di ko kahadlok, kahadlok hin gaba L- Bisan ka gad, Iday, igsulod hin kahon Takpan hin maupay nga diri kita-on Maghihimo ako barina nga dagum Palalatayan ko magtam-is nga pulong. B- Palipak dao, Idoy, baga ka in aming Salit nadiri gud it ak’ kasingkasing It nadidiri-an hit’ ak’ kasingkasing Di ka ngan’ ma-aram magtanum hin saging. L- Kon amo lat it’ dinidirian Mag uuma ako hin kahiluagan Magtatanum ako saging nga lakatan Sab-a, costa, baloy, tindok ug bangaran B- Pastilan gad, Idoy, ayao pag ginu-ol Kay makakawang la it’ ‘im mga pulong It dinidiri-an hit akon pariente Tawo ka hin adlaw, nalupadka hin gab-i. 4. DINUMDUM KO IKAW Kon harapit na adlaw, matunod Ngan haimo hirayo ako, Nagputok an kakulba ha dughan Ngan an kamingaw assay gud dako; Pagtikang han panuro han tun-og Ha bukad, nga dahon panhumog, Inin luha daw burabod Waray hunong hin pagtubod. Kon nadangat an an gab-i Nadugang an kamingaw Labis kon nabati Panhuni han kalaw; Pagpula han sidlangan Pagpunias han adlaw Ngan pagkalpad han maya Dinumdum ko ikaw. Nainup koha inmagi nga adla In himaya nga hingpit gayud Labi a/na kon upod ka pagtan-aw Han kapusok han mga balud; Kundi ay, nadungang an kasamdong Ngan an lipay nangingiba-iba Ha kakulop ngan an paglaum Ibaligya mo ha iba. Salit pagsalidsalid. Han mapawa nga adlaw Ha higtaas nga bukid Taup an kasilaw; Han panhuni han gangis Upod an kamingaw Duyog ha pagtangis Dinumdum ko ikaw. 4. GIN-HILOM KO Gin-hilom ko an pagbati Han basuni nga ak guin inantos, ahay Hain daw la an himaya Nga testigos han langit, han tuna, ahay Nag siring ka nga la-omi Hadton gugma nga diri mabalhin Kay an kalipay ngahangyap han dughan Nga guin lala-oman han akon kalag. 5. GUGMA Inin kinabuhi amo an burabod han mga pagturaw Kay dinhi ha tuna an mga kasakit waray gud paghuraw Amo la an gugma aton guin lina-oman tambal han kabangis Han kanan kabuhi bugtong nga hinungdan nga amo an pagtangis An dughan kon may bido, may masakit han at kalag Labi na kon kulop na han adlaw pag halag An luha nga magtin-aw namimiyog ha mata Kondi tungod an gugma nagmamalipay kita May gugma han pagtawa May gugma han pagtu-ok An turaw gugma man Paglaum say pa-man May gugma han pagharoy An lipay gugma gad Kahiblun han panhayhay Kon an gugma waray An matam-is nga gugma Say ha aton nag-agak Ha haluag nga dagat Han kurit ngatanan Han kaparong han lamrag Didto na ha lubnganaw Waray gad ka-ubos Gugma an tubos. 6. HINGANDOY Bisan diin ak’ pahuway Bian diin ak nga siok An matahum mo nga dagway Ha dumdum ko naluok Butnga han panmurobout Butnga han pag-aampo An im’ ladawan ha akon bout Say nagtitinaputapo. Ambot kon aanhon ko Ambot kon mag-aano Hin paghingandoy ako napupuno An akon guinmahal Hin hingpit ugh in tikos Hinihigugma ko hin tim-os. 7. MAG-ASAWA KAMI Mag-asawa kami nga diri kuri-an Masukot mag-away, madali hiolo-an Bisan la an taklap guin didiscusyonan Danay may balbagay hin hakatdayonan Haluag an am oma nga waray gud tanum Salit ministibles an am pakalamon Kon hain an punsyon alla hay que comer Kay ini nga kakablas no kay porque tener May ganados kami, an am ayam an yatot Que hacienda en total amas que kapatan Con Molino en lugar ngan ua nga bukatat Que una hacienda tambien hin mga lakatan Haluag an am oma nga waray gud tanum Salit ministibles an am pakalamon Kon hain an punsyon alla hay que comer Kay ini nga kakablas no kay porque tener Ha amon tuna urog it kugon nga tanum Guin liguid-ligiran hin mga kalungkogong Un poco de haropay, mucho amorsecos Kay ito kan apoy iguin togon 7. PANHAYHAY Hadto imo ako guin saaran, saad nga sugad hin inop Budhi kay waray ka pagtuman hadton guin lala-oman, ay Hinin kalag na lingo Salit mga mata kay hupong na, rutay rutay ha mga pagtu-ok Pabay-e nga manhayhay an gugma ha sakob hinin dughan, ay Nga hin pagturaw tugob Waray ako pamamaladong nga maabuti ini nga adlaw Nga ako magmamasamdong panumdum hadton nanaglabay Paghitukso han higugma, pagsulog han mga luha Imo man talingoha, ay, nga ako mamatay Guin pug-an mo an kasingkasing an ngatanan nga pagmayoyo Imo man la nagy-an tuyo an pagdarahog nga mabangis Pamati-a an panhayhay, pagpahingutas hin aganay Han makalit nga gugma, ay, nga ak guin tatangis Gugma, kay imo man ak guinlingo Gugma nga waray ka pa-id Gugma, kay imo man ak guinlingo Kay bis’ diri ako mabuhi, ay Ha pag-antos iga-id. 8. SMAILING (Babae) Bisan ka gud, idoy, maguro-smailing Kay dinidire ka hit ak kasingkasing An dinidire-an hit ak kasing-kasing Kay di ka ma-aram nagtanum hin saguing (Lalaki)Ma-aram gad ako magtanum hin saguing Pero waray bunga, puros la saring-sing Guin tututdo-an ako nira Nanay Tatay Pagkabikab han tuna, paglubong han saguing Pinanbasaran[igliwat | Igliwat an wikitext] ↑ Abuyen, Tomas A. Diksyunaryo Waray-Waray [Visaya] English-Tagalog. Kalayaan Press Mktg. Ent., Inc. Quezon City. Tuig 2000. ISBN 971-08-6050-X. Pakli Ihap 116. Mga pagkukuhaan[igliwat | Igliwat an wikitext] Chadwick, Henry (1998). Saint Augustine Confessions. Oxford: Oxford University Press. ISBN 0-19-283372-3.  Fisher, Helen. Why We Love: the Nature and Chemistry of Romantic Love. ISBN 0-8050-6913-5.  Giles, James (1994). "A theory of love and sexual desire". Journal for the Theory of Social Behaviour. 24 (4): 339–357. doi:10.1111/j.1468-5914.1994.tb00259.x. Kierkegaard, Søren (2009). Works of Love. New York City: Harper Perennial Modern Classics. ISBN 978-0-06-171327-9.  Oord, Thomas Jay (2010). Defining Love: A Philosophical, Scientific, and Theological Engagement. Grand Rapids, MI: Brazos. ISBN 978-1-58743257-6.  Singer, Irving (1966). The Nature of Love. (in three volumes) (v.1 reprinted and later volumes from The University of Chicago Press, 1984 ed.). Random House. ISBN 0-226-76094-4.  Sternberg, R.J. (1986). "A triangular theory of love". Psychological Review. 93 (2): 119–135. doi:10.1037/0033-295X.93.2.119. Sternberg, R.J. (1987). "Liking versus loving: A comparative evaluation of theories". Psychological Bulletin. 102 (3): 331–345. doi:10.1037/0033-2909.102.3.331. Tennov, Dorothy (1979). Love and Limerence: the Experience of Being in Love. New York: Stein and Day. ISBN 0-8128-6134-5.  Wood Samuel E., Ellen Wood and Denise Boyd (2005). The World of Psychology (5th ed.). Pearson Education. pp. 402–403. ISBN 0-205-35868-3.  Mga sumpay ha gawas[igliwat | Igliwat an wikitext] Kitaa an I love you ha Wiktionary, an gawasnon nga pagpurulongan o diksyunaryu. An Wikimedia Commons mayda media nga nahahanungod han: Love Mga darahonon nga may pagkahisumpay han Higugma ha Wikiquote An Wiktionary nga entrada para han love Mga mababaroan nga mga materyales nga may pagkahisumpay han Have a Happy Relationship ha Wikiversity Ginkuha tikang ha "https://war.wikipedia.org/w/index.php?title=Higugma&oldid=6265368" Kaarangay: Higugma Tinago nga kaarangay: Pages using ISBN magic links Menu hit nabigasyon Mga pankalugaringon nga garamiton Diri naka-log in Hiruhimangraw Mga amot Himo-a an akawnt Sakob Mga ngaran-lat'ang Barasahon Hiruhimangraw Mga pagkadirudilain Mga paglantaw Basaha Igliwat Igliwat an wikitext Kitaa an kaagi More Bilnga paglayag Syahan nga Pakli Ganghaan han Komunidad Mga panhitabo Mga kabag-ohan Bisan ano nga pakli Bulig Mga Donasyon Garamiton Mga nasumpay dinhi Mga may kalabotan nga binag-o Pagkarga hin file Mga pinaurog nga pakli Sumpay nga unob Impormasyon han pakli Ig-cite ini nga pakli Wikidata item Pagpatika/pag-ambit Paghimo hin libro Igkarga-paubos komo PDF Maipapatik nga bersyon Ha iba nga mga proyekto Wikimedia Commons Ha iba nga mga yinaknan Afrikaans Akan Alemannisch አማርኛ Aragonés Ænglisc العربية الدارجة مصرى অসমীয়া Asturianu Azərbaycanca تۆرکجه Башҡортса Boarisch Žemaitėška Беларуская Беларуская (тарашкевіца)‎ Български বাংলা བོད་ཡིག Brezhoneg Bosanski Буряад Català Mìng-dĕ̤ng-ngṳ̄ Нохчийн کوردی Corsu Čeština Чӑвашла Cymraeg Dansk Deutsch Ελληνικά English Esperanto Español Eesti Euskara Estremeñu فارسی Suomi Français Frysk 贛語 Kriyòl gwiyannen Gàidhlig Galego Avañe'ẽ गोंयची कोंकणी / Gõychi Konknni ગુજરાતી Hausa 客家語/Hak-kâ-ngî עברית हिन्दी Fiji Hindi Hrvatski Kreyòl ayisyen Magyar Հայերեն Interlingua Bahasa Indonesia Igbo Ilokano Íslenska Italiano ᐃᓄᒃᑎᑐᑦ/inuktitut 日本語 Patois Jawa ქართული Қазақша ភាសាខ្មែរ ಕನ್ನಡ 한국어 कॉशुर / کٲشُر Ripoarisch Kurdî Кыргызча Latina Ladino Lëtzebuergesch Limburgs Ligure Lumbaart Lingála Lietuvių Latviešu Македонски മലയാളം Монгол मराठी Bahasa Melayu Malti Mirandés မြန်မာဘာသာ Nāhuatl नेपाली नेपाल भाषा Nederlands Norsk nynorsk Norsk bokmål Occitan ଓଡ଼ିଆ ਪੰਜਾਬੀ Picard Polski Piemontèis پنجابی پښتو Português Runa Simi Română Русский Русиньскый Саха тыла ᱥᱟᱱᱛᱟᱲᱤ Sardu Sicilianu سنڌي Srpskohrvatski / српскохрватски සිංහල Simple English Slovenčina Slovenščina Soomaaliga Shqip Српски / srpski SiSwati Svenska Kiswahili தமிழ் Тоҷикӣ ไทย Türkmençe Tagalog Türkçe Xitsonga Татарча/tatarça ئۇيغۇرچە / Uyghurche Українська اردو Oʻzbekcha/ўзбекча Vepsän kel’ Tiếng Việt Walon 吴语 მარგალური ייִדיש 中文 文言 Bân-lâm-gú 粵語 Igliwat an mga sumpay Ini nga pakli kataposan nga ginliwat dida han 21:22, 26 Agosto 2020. An teksto in available ha ilarom han Creative Commons Attribution-ShareAlike License; kadugangan nga terms in puyde mag-apply. Kitaa anMga Terms of Use para han mga detalye. Polisiya hin pribasidad Bahin han Wikipedia Mga Disclaimer Mobile view Mga developer Statistics Cookie statement