Carmina (Horatius)/Liber IV/Carmen XI - Wikisource





	
	

	
	

	Carmina (Horatius)/Liber IV/Carmen XI

	
		E Wikisource

		< Carmina (Horatius)Unchecked



		

		
		

		Jump to navigation
		Jump to search
		



Quintus Horatius FlaccusCarmina023 a.Ch.n.
Quintus Horatius Flaccus
Carmina
Liber IV 
 Carmen XI
23 a.Ch.n.






	 IV, X	IV, XII 
	





Est mihi nonum superantis annum

Plenus Albani cadus; est in horto,

Phylli, nectendis apium coronis;

             Est hederae vis



Multa, qua crinis religata fulges;

Ridet argento domus; ara castis

Vincta verbenis avet immolato

             Spargier agno;



Cuncta festinat manus, huc et illuc

Cursitant mixtae pueris puellae;

Sordidum flammae trepidant rotantes

             Vertice fumum.



Ut tamen noris quibus advoceris

Gaudiis, Idus tibi sunt agendae,

Qui dies mensem Veneris marinae

             Findit Aprilem,



Iure sollemnis mihi sanctiorque

Paene natali proprio, quod ex hac

Luce Maecenas meus adfluentis

             Ordinat annos.



Telephum, quem tu petis, occupavit

Non tuae sortis iuvenem puella

Dives et lasciva tenetque grata

             Compede vinctum.



Terret ambustus Phaethon avaras

Spes, et exemplum grave praebet ales

Pegasus terrenum equitem gravatus

             Bellerophonten,



Semper ut te digna sequare et ultra

Quam licet sperare nefas putando

Disparem vites. Age iam, meorum

             Finis amorum,



(Non enim posthac alia calebo

Femina) condisce modos, amanda

Voce quos reddas: minuentur atrae

             Carmine curae. 





	 IV, X	IV, XII 
	













Receptum de "https://la.wikisource.org/w/index.php?title=Carmina_(Horatius)/Liber_IV/Carmen_XI&oldid=86454"


		Categoriae: 	100%
	Capita ex operibus
	Sapphici




	





	Tabula navigationis

	
		

	
		Instrumenta personalia
	

	
			Nomen nondum datum est
	Disputatio huius IP
	Conlationes
	Sibi nomen imponere
	Nomen dare


		
	



		
			

	
		Spatia nominalia
	

	
			Opus
	Disputatio


		
	



			

	
	
		Variantes
	

	
		

		
	



		

		
			

	
		Visae
	

	
			Legere
	Recensere
	Historiam inspicere


		
	



			

	
	
		More
	

	
		

		
	



			
	
		Quaerere
	

	
		
			
			
			
			
		

	




		

	

	

	
		
	

	

	
		Navigatio
	

	
			Pagina prima
	English Main Page
	Scriptorium
	Scriptores
	Chronologia
	Nuper mutata
	Pagina fortuita
	Auxilium


		
	



	

	
		Instrumenta
	

	
			Nexus ad hanc paginam
	Nuper mutata annexorum
	Onerare fascicula
	Paginae speciales
	Nexus perpetuus
	De hac pagina
	Hanc paginam citare


		
	




	
		Imprimere vel exportare
	

	
			Librum creare
	Paginam prehendere formá PDF
	Forma impressibilis


		
	



	

	
		Aliae linguae
	

	
			Français
	Italiano


		Add links

	









		 Novissima mutatio die 31 Ianuarii 2018 hora 23:07 facta.
	Nonobstantibus ceteris condicionibus hunc textum tractare licet secundum "Creative Commons Attribution-ShareAlike License".
Vide modos et condiciones.



		Consilium de secreto
	De Wikisource
	Repudiationes
	Pagina mobilis
	Elaboratores
	Statistics
	Cookie statement