Carmina (Horatius)/Liber IV/Carmen VII - Wikisource





	
	

	
	

	Carmina (Horatius)/Liber IV/Carmen VII

	
		E Wikisource

		< Carmina (Horatius)Unchecked



		

		
		

		Jump to navigation
		Jump to search
		Quintus Horatius FlaccusCarmina023 a.Ch.n.
Quintus Horatius Flaccus
Carmina
Liber IV 
 Carmen VII
23 a.Ch.n.






	 IV, VI	IV, VIII 
	





Diffugere nives, redeunt iam gramina campis

   arboribusque comae;

mutat terra vices et decrescentia ripas

   flumina praetereunt;



Gratia cum Nymphis geminisque sororibus audet

   ducere nuda choros:

inmortalia ne speres, monet annus et almum

   quae rapit hora diem.



frigora mitescunt Zephyris, ver proterit aestas

   interitura, simul

pomifer autumnus fruges effuderit, et mox

   bruma recurrit iners.



damna tamen celeres reparant caelestia lunae:

   nos ubi decidimus

quo pius Aeneas, quo Tullus dives et Ancus,

   pulvis et umbra sumus.



quis scit an adiciant hodiernae crastina summae

   tempora di superi?

cuncta manus avidas fugient heredis amico

   quae dederis animo.



cum semel occideris et de te, splendide, Minos

   fecerit arbitria,

non, Torquate, genus, non te facundia, non te

   restituet pietas;



infernis neque enim tenebris Diana pudicum

   liberat Hippolytum

nec Lethaea valet Theseus abrumpere caro

   vincula Perithoo.




	 IV, VI	IV, VIII 
	

















Receptum de "https://la.wikisource.org/w/index.php?title=Carmina_(Horatius)/Liber_IV/Carmen_VII&oldid=86450"


		Categoriae: 	Capita ex operibus
	75%




	





	Tabula navigationis

	
		

	
		Instrumenta personalia
	

	
			Nomen nondum datum est
	Disputatio huius IP
	Conlationes
	Sibi nomen imponere
	Nomen dare


		
	



		
			

	
		Spatia nominalia
	

	
			Opus
	Disputatio


		
	



			

	
	
		Variantes
	

	
		

		
	



		

		
			

	
		Visae
	

	
			Legere
	Recensere
	Historiam inspicere


		
	



			

	
	
		More
	

	
		

		
	



			
	
		Quaerere
	

	
		
			
			
			
			
		

	




		

	

	

	
		
	

	

	
		Navigatio
	

	
			Pagina prima
	English Main Page
	Scriptorium
	Scriptores
	Chronologia
	Nuper mutata
	Pagina fortuita
	Auxilium


		
	



	

	
		Instrumenta
	

	
			Nexus ad hanc paginam
	Nuper mutata annexorum
	Onerare fascicula
	Paginae speciales
	Nexus perpetuus
	De hac pagina
	Hanc paginam citare
	Res Wikidata


		
	




	
		Imprimere vel exportare
	

	
			Librum creare
	Paginam prehendere formá PDF
	Forma impressibilis


		
	




	
		Inceptis aliis
	

	
			Vicipaedia


		
	



	

	
		Aliae linguae
	

	
			Suomi
	Français
	Magyar
	Italiano
	Українська
	Vèneto


		Nexus recensere

	









		 Novissima mutatio die 31 Ianuarii 2018 hora 23:06 facta.
	Nonobstantibus ceteris condicionibus hunc textum tractare licet secundum "Creative Commons Attribution-ShareAlike License".
Vide modos et condiciones.



		Consilium de secreto
	De Wikisource
	Repudiationes
	Pagina mobilis
	Elaboratores
	Statistics
	Cookie statement